Bizikletak giltzapean daude

patioko zoru bustiarekin kontaktuan.

Haize hotzaren etorrerarekin batera,

lehenbiziko argien islak

begietan.

Euria hasi orduko,

etxe barruan

gaua

irakiten.

 

Zuhaitzak erleak errezelak

mamu itzal deabru bilakatuta.

Apurka-apurka

kondairen unea

heldu da.

Gurpilei lumak darizkie

eta bizikletak badoaz

haurren begi txundituen gainazaletik.

 

Eta lokartuz doa

bizitza.