24 urteko gazte bat trenean zihoan, leihotik begiratuz. Bat-batean oihu egin zuen:

-Aitatxo, begira, zuhaitzak atzean gelditzen ari dira!

Aitak irribarre egin zuen, eta, ondoan eserita zihoan bikote gazte batek, tamalez begiratzen zuen 24 urteko gaztearen haur-jokabidea.

-Begira-begira, aitatxo, hodeiak gurekin batera doaz!

Bikote gazteak ezin izan zuen gehiago erresistitu eta aitari galdetu zion:

-Zergatik ez daramazu alaba sendagile on batengana?

Aitak irribarre eginez zera erantzun zien:

-Horixe egin nuen, ba, hain zuzen ere, eta oraintxe bertan ari gara itzultzen ospitaletik. Alaba itsu jaio zen, baina, gaur, lehendabiziko aldiz, ikus dezake!

————————————————————-

Kontua da, besteei begiratzen diegunean, gabeziak baino ez ditugula bilatzen.

Planetan, pertsona bakoitzak historia bat dauka. Ez epaitu jendea guztiz ongi ezagutu baino lehen. Egiak harritu ahalko zintuzke!