ALKOHOLA

ALKOHOLA DROGA BAT DA.

NERBIO-SISTEMA ZENTRALAREN DEPRESOREA DA.

Nafarroan edaten hasteko batazbesteko adina 14,7 urtekoa da. Gazteen %80ak 18 urte bete baino lehen, edan du.

Arriskuzko kontsumoa:

Gizonezkoetan, astean 28 ardo (100 ml) edo 28 garagardo (200 ml.) edatea arriskutsua da osasunarentzat, eta emakumezkoen kasuan, kopuru honen erdia.

Onargarria izan daiteke honen erdia edatea.

ALKOHOLAREN ERAGINAK:

Epe motzean:

  • Hasieran alaitasuna ematen duen arren, edaten jarraitzen bada, logurea eragiten du.
  • Jokaeran eragina dauka eta batzuetan oldarkortasuna areagotzen du.
  • Sexualitatea okertzen da.
  • Erreflexuak gutxitzen dira.
  • Ikusmena okertzen da.
  • Kotxe istripua edukitzeko arriskua areagotzen da.
  • Bestondoa (zorabioa, buruko mina, sabeleko mina…).

Epe luzean (kontsumo arriskutsua):

  • Nerabetasunean edaten hasten bada, garunean eragiten diren kalteak atzeraezinak izan daitezke.
  • Loditzen du. Kaloria hutsak ematen ditu. Ez da elikagai bat.
  • Bizi-kalitatea gutxitzen du, bai edadean eta bai familian.
  • Hilkortasuna handitzen du.
  • Minbizia:
    • Gibelekoa.
    • Este-gorrikoa.
    • Burukoa eta lepokoa.
    • Bularrekoa.
  • Gibeleko gaixotasunak.
  • Bihotz gutxiegitasuna.
  • Hipertentsioa.
  • Koronarioen gaixotasuna.
  • Garuneko hodietako istripua.
  • Aurikulako fibrilazioa.
  • Pankreatitisa.
  • Hezurretako hausturak.
  • Buruaz beste egitea.
  • Haurdunaldian haurrarentzat kalteak.

Koma etilikoa: Zer da?

Alkoholezko gaindosi bat da.

Gaixoa konorterik gabe gelditzen da eta ezin daiteke esnatu.

Gorakoak arnasbidera joaten badira, itota hil daiteke.

Bere bizitza arriskuan dago.

Zer egin?

  1. Saiheskako segurtasun jarreran jarri behar dugu.


  1. 112ra deitu.

FESTETAN, ONGI PASA, PASATU GABE!

Mikel Moreno Baquedano.

OEEkidea eta Famili Medikua.