MIGUEL MARINAK ‘LANZARLA AL AIRE’ ERAKUSKETA IZANGO DU BILBAOARTEN

Pintura eta eskultura erakusketa hau Urazurrutia Aretoan izango da ikusgai abuztu osoan zehar eta irailaren 4ra arte

BilbaoArte Fundazioak Miguel Marina madrildarraren ‘Lanzarla al aire’ pintura eta eskultura erakusketaren ateak ireki ditu. Lur tonuak eta zura nagusi dira paisaiaren inguruko erakusketa honetan, oroitzapenetik eta modu ludikoan landua. 2019an zentroan egoiliar izan zen artista, beste zazpi artistarekin batera hautatu zuten Miguel Marina Urazurrutia Aretoan 2020an zehar erakusketak egiteko.

Hasiera batean, Miguel Marinak paisaia aztertu eta pentsatu nahi du, baita paisaia osatzen duten elementuak ere, pinturatik eta bertako espaziotik abiatuta. Memoriak garrantzi handia du bere koadroak osatzeko orduan, baina, paradoxikoki, ateratzen diren piezak dira egilea bere iraganeko lekuetara eramaten dutenak.

‘Lanzarla al aire’ erakusketak 2019an BilbaoArten egoiliar izan zen bitartean egindako bi pieza biltzen ditu, aurten burututako margolanekin batera. Fundazioan garatutako lehenengo eskultura egur tindatuz, pintatuz eta ebakiduraz marraztuz osatuta dago; bigarren pieza, berriz, mandarina lehorreko larruz egindako bi mosaiko tubularrez osatuta dago, zurezko xafla handi baten gainean.

Urazurrutia Aretoan ikusgai izango diren pinturek eskuzabal betetzen dituzte bere hormak, ia bi metroko altuerarekin. Artistak lau orriz osatutako konposizioak egiten ditu, olioz eta trementinaz, eta horiek guztiak birkonbinaziorako zabalik daude. Era guztietako teknikekin planoan garatuta, Marinak bere Madrilgo estudioan duela astebete landu ditu lan hauek, erakusketa hau osatu ahal izateko.

Erakusketaren izenburuak, ‘Lanzarla al aire’ (airera bota), jolasaren eta zoriaren nozioa adierazten du, artistaren haurtzaroarekin bat eginez. Honek esperimentazio ludikoa praktikara eramaten du bere laminak osatzen dituenean, alde bietatik margotuak daudenak. Testurak, koloreak, formak eta usainak ere konbinatzen dituzte, herria eta tradizioa gogoraraziz, ikuslea paisaia lehorretara eramanez tonu marroi eta forma organiko sotilekin.

Erakusketa honek lotura handia du Erromako Espainiako Errege Akademian (2017-2018) egoiliar izan zen bitartean sortutako prozesu batekin. Bertan, artista madrildarra hainbat diziplinatako beste sortzaile batzuekin bizi da, hala nola musikari, arkitekto edo idazleekin, eta bazkalosteko denbora partekatzen dute, Angel Gonzalez Garcia historialari eta arte kritikariaren arabera, esperimentazio leku bihurtzen dena. Orduan papera (mantelarena) mihise bihurtzen da eta jolasa eta distentsioa prozesu.

Jarduera hau #BilbaoUda2020-ren testuinguruan kokatzen da. Programazio osoa hemen kontsulta daiteke: www.bilbaokultura.eus.

MIGUEL MARINARI BURUZ

Miguel Marinak (Madril, 1989) Casa de Velázquez (Madril, 2013), Piramidón Centre d ‘Art Contemporani (Bartzelona, 2016), Real Academia de España en Roma (Erroma, 2017-2018) eta Fundación BilbaoArte Fundazioa (Bilbo, 2019) bezalako egoitzetan parte hartu du.

Bere lana hainbat proiektu instituzionaletan ikusi ahal izan da, hala nola La Casa Encendida, Madrid 2020, Injuve Sala Amadís, Madrid 2020, Real Academia de Bellas Artes de San Fernando, Madrid 2019, Laboral Centro de Arte e Investigación, Gijón, 2019, Fundación Didac, Santiago de Compostela, 2018, Academia de España en Roma, Roma 2018, Sala de Arte Joven de Madrid, Madril 2018.

The Goma, Interface Gallery, Nordés, etHALL, Palau de Casavells, Combustión Espontánea, Luis Adelantado, Carlos Carvalho, Espacio Valverde eta Piramidón Centre d ‘Art Contemporani galerietan ere parte hartu du.

 

http://www.miguelmarina.com/

 

Informazio gehiago


BilbaoArte Fundazioa

Prentsa eta komunikazioa

Alicia Prieto | 607 606 458 | prentsa@bilbaoarte.eus