AURORA BOREALAK

Aurora borealak zure besoetan

bidaia egin gabe jakinik askotan,

zergatik bilatuko mundu zabalean

zure begi ninien baitan dudanean?

 

Ortzadar oparoek zure gorputzean

euritan izan gabe zurturik sarritan,

zergatik haritzetik urrundu soberan

palmondoen artean errera ekitan?

 

Egunsenti isilen zure mihisetan

lurrin ezti-eztia usainduz batean,

zergatik habiatik libratu premian

poesiaren hatsa berraurkitzekotan?

 

2019/12/31

Hatsaren Poesia – Olerki Bilduma – 2020