AMATXIREN SUA

Ez da laratzik

ezta laratzetik dilindan eltzerik ere.

Ekonomika beltza

pago-puskak sarturik

gorri-gorri jartzen dena besterik ez.

Behealdetik errautsa eskukada bat hartu

eta gurutze sainduaren marka eginez

bedeinkatzen.

Amatxi aulki txikian jarririk

DIARIO DE NAVARRA eta LA VERDAD eskuetan

leitzen du “Navarrako uskaran”,

ZERUKO ARGIA ahul antzematen da

eta ARANTZAZUKO ORRIAK leituz

kentzen ditu goizeko makarrak.

Aulki txikian jarririk oroitzen dut

ekonomikako sua bizkortzen

burnizko tresna batekin,

noizbehinka.

Ez dago animaliarik amatxiren jiran:

zakur, katu, zerriak sotoan,

eta saguak sabaian,

noizean behin sukaldeko atetik kukuka

ni.