Euskal hitzak ikasi, haren belarrian

leunki xuxurlatzeko, haren gogoetan

nola leuna zitzaizun izana benetan.

 

Euskal dantzak ikasi, haren begietan

leunki irakurtzeko, haren besoetan

laket zatzaizkiola plaza txiki hartan.

 

Euskal kantuak kanta, haren saihetsean

hura dardaratzeko, abestaldeetan

arbasoen elea berriz entzutean.

 

Euskal hitzak idatzi, kobla zintzoetan

haren sua pizteko, eta baratzean

baietz arrosa bildu haren ezpainetan.

 

2020/01/03

 

Hatsaren Poesia – Olerki Bilduma – 2020