DÍA INTERNAZIONAL D’A LUENGA MATERNA

 

AUTO INSTITUZIONAL D’O DÍA INTERNAZIONAL D’A LUENGA MATERNA

 

L’Edifizio Paraninfo d’a Universidat de Zaragoza acullió o martes, 21 de febrero, a zelebrazión de l’auto instituzional d’o Día Internazional d’a Luenga Materna, organizau por a Direzión Cheneral de Politica Lingüistica d’o Gubierno d’Aragón.

A zeremonia, inaugurada por o rector d’a Universidat de Zaragoza, José Antonio Mayoral, y conduzida por Lourdes Buisán, encomenzó con l’omenache a más de 200 personas con nombre en aragonés antes de dar paso a o libramiento, por parte d’o director cheneral de Politica Lingüistica, José Ignacio López Susín, d’os premios literarios y artisticos en aragonés y en catalán d’Aragón.

Carlos Baselga Abril rezibió o Premio “Antonio Artero” 2022 de video en luenga aragonesa, grazias a la suya obra “Adormi-te”.

Marta Momblant Ribas, autora de «Dona Lletra Aigua», estió gualardonada con o Premio Guillem Nicolau 2022, que reconoxe una obra de creyazión literaria de cualsequier chenero escrita en catalán d’Aragón,

Lucía López Marco replegó o Premio Arnal Cavero 2022, que reconoixe una obra de creyazión literaria de cualsequier chenero escrita en aragonés, grazias a lo suyo poemario «Cuan plegue u colapso».

Tot ixo estió amenau por os grupos Ixeya (en aragonés) y Jùlia Cruz dúo (en catalán).

L’auto marca asinas l’inizio d’un programa de más de 170 eventos que se levarán a cabo en tota a cheografía aragonesa ta zelebrar o Día Internazional d’a Luenga Materna, chornada instituyida por a UNESCO ta promover o multilingüismo y a diversidat cultural.

 

ENAMPLA LA INFORMAZIÓN, AQUÍ

 

DESCARGA DENDE ISTE ENLAZ AS FOTOGRAFÍAS DE L’EVENTO