Eliteari ez!

Hitzak lerroz lerro ditzadan ezar

Ez dut argirik behar

Ez otoi,ez argirik ekar!

Neure nortasun agiria dut iñungoa

Nazionaletaterik gabekoa.

Idazteko dagidan hautua

Ez da publikoa

Ez ta ere jendeen artekoa.

Ni asmatzailea naiz,zinez

Olerkiak ditut erditzen,oinazez

Doinuak ditut isurtzen,saminez

Margoak ditut estaltzen ,odolez

Begi belarri hadi!

Besterik ez dut nahi!

Aspertu bainaiz bilkurez

Tele irrati saioez

Eta elkar hizketez

Nola ez adierazpenez!

Neure izaeraz naiz bakarti

Lotsati bezain kezketi

Nahiz eta ez ageri.

Asperturik nago intelektualkeriz

Hitzak bertsotan badoazkit izerdiz

Ozenki dagaldate:Ni al niz?

Nere begiak betetzeko garrantziz

Apaindura ergeletan eroriz.