Zergatik eta zertarako irakurle

Zertako poesia irakurle zaren,

gaur ez duzu zure buruari galdetzen?

Zer ari zaren lerro hauetan bilatzen?

Zer ez duzun ja telebistatik jasotzen

‘ta zure denbora atseginez pasatzen?

 

Hori nire buruari galdetu nion

eta erantzun batzuk aurkitu nizkion.

Zure kritikari aurkeztuko nizkion

hausnarketa guztiak ager zakizkion.

Ea zure lumari egia darion.

 

Begiei oparitzen dizkie paisaiak,

belarriei kontzertu sotilen soinuak,

sudurrari Prousten cattleya usainak

‘ta mihiari bere madeleine gustuak

olerkiek ez utziz gelako lau hormak.

 

Bizitza ez hain bizitua bizitzeko,

urrun, non ez bidaiatu bidaiatzeko,

hurbil, ez topatutakoak topatzeko,

eskuz ez ukitutakoak ukitzeko

aukerak dakarzkigute dagoeneko.

 

Zurekin irakurle partekatuko dut

nire pena baita ere alaia sustut

eta zu idazle segur aski bazaitut.

Zure lerroetan zureak, hitzen zurrut

eginik, plazerekin aurkituko ditut.

 

Hatsaren Poesia – Olerki Bilduma – 2016