BIZKARREKO MINA

Maiz ikusten den gaixotasuna da. Biztanleriaren %80ak bizkarreko mina dauka bere bizitzan zehar. Gehienetan ez da larria eta bere kabuz desagertzen da. Bizkarreko mina daukatenen herena besterik ez, sendagilearengana doa. %85 kasuetan giharreko mina izaten da. Sendagilearengana doazenen artean %90 lehenengo 6 astetan sendatzen da.

Faktore hauek bizkarreko mina eragiten dute:

  • Besoak buruaren gainetik igotzea.

  • Aulkian gaizki jarrita egotea.

  • Jarrera txarra edukitzea zutik gaudenean.

  • Denbora luzez eserita edo zutik egotea.

  • Ahoz behera lo egitea.

  • Babestu gabeko oinetakoekin hormigoiaren gainean zutik lan egitea.

  • Maiz jiratzea.

  • Bibrazioak jasatea.

  • Bi hanken luzera ezberdina izatea.

  • Atsedenik hartu gabe luze gidatzea.

  • Pisu handiak jasotzea.

  • Lantokian tresneria desegokia izatea.

  • Gizentasuna.

Hainbat baldintza psikologikoek lagundu ditzakete bizkarreko mina areagotzen: Depresioa, antsietatea, estresa, gogaitasuna, lanean atsekabea, etab.

Sendagilearengana joan behar duzu bizkarreko mina eta ondorengo sintomak badituzu:

  • Ohean zaudenean mina ez bada desagertzen.

  • Duela gutxi erorketa bat eduki baduzu.

  • Hanketan indar falta edo inurridura sumatzen badituzu.

  • Ezin baduzu maskuria menperatu.

  • Pisua galdu baduzu nahi gabe.

  • Sukarra baduzu.

  • Esteroideak hartzen badituzu.

  • Minbizia eduki baduzu.

  • Lau astetan mina ez badoa.

Tratamendua:

  • Beroa.

  • Anti-inflamatorio ez-esteroideoak.

  • Bizkarrezur manipulazioa.

  • Gihar-erlaxatzaileak.

  • Akupuntura (batez ere mina 4 astetik aurrera luzatzen bada).

  • Ohean gelditzea kaltegarria da.

Honako tratamendu hauen eraginkortasuna ez da frogatua izan, bizkarreko min akutuan:

  • Masajea.

  • Bizkarreko trakzioa.

  • Bizkarreko gerrikoa.

Ez da beharrezkoa erradiografia bat egitea lehenengo 6 asteetan.

BIZKARRA ZAINTZEKO AHOLKUAK.

  • Ariketa fisikoa egin:

    • Egunero gutxienez 30 minutuko ariketa fisiko aerobikoa egitea proposatzen da.

    • Indarra eta malgutasuna hobetzeko ariketak gomendatzen dira.

  • Ez gizendu.

  • Estresa kontrolatu.

  • Lanean jarrera egokiak izan (ez da bizkarra tolestu behar, hankak baizik).

  • Jarrera berdinean luze ez egoteko, lanean atsedenaldiak hartu.

  • Zamak modu egokian hartu.