ZURI ESKER

Bi urte ei ditut;

bizitzeko,

arnasteko,

hausnartzeko.

Zer egin dezaket?

 

Ez naiz bera,

ahulago sentitzen naiz.

 

Ulertzen nire hitzak?

 

Erori egiten naiz,

baina gero eta zailagoa

egiten zait altxatzea.

Amore ematen dut.

Ametsak ziren horiek

desagertzen ari dira,

ez dira itzultzen.

Sumina da nire jabe.

 

Ulertzen nire hitzak?

 

Uste nuena baino

handiago sentitzen naiz,

era berean ahulago

eta tristeago,

baina bizirik nagoela

ikusten laguntzen didazu.

 

Ulertzen nire hitzak?

 

Bizitza osatzen duten une txikietan,

bizirik sentiarazten nauzu.

Bizirik nauzu.

Bizirik nago.

 

Ulertzen nire hitzak?

 

Erortzen den arrosa petalo

bakoitzaren lurrina sentitzen dut,

nire ondoan zaitudalako.

Haizeak ekarritako luma batek

nire larruazalarekin tupust egitean

sentitzen dudan zirrara

biziberritzen dut alboan zaitudanean.

 

Ulertzen nire hitzak?

 

Erori, erortzen naiz,

eta jausiko naiz.

Baina altxatzen naiz

eta goratuko naiz.

 

Zuri esker.

 

Ametsak ez dira desagertzen,

hor diraute, nik landu zain.

Ez dago amore ematerik

ez dut etsiko.

 

Zuri esker.

 

Ez dago suminik,

zoriona da nire jabe.

Egoera gogorrenetan ere

Zoriontsu izaten ikasi dut

Eta zoriontsu naiz.

 

Zuri esker.

 

Ulertzen nire hitzak?