I CHORNADA D’ACHIRMANAMIENTO D’O PROFESORATO DE LUENGAS PROPIAS D’ARAGÓN

O viernes 25 de marzo, o presidén de l’Academia Aragonesa d’a Luenga, Javier Giralt, de conchunta con a vizepresidenta, Mª Pilar Benítez, presentó l’Academia debán de o profesorato de Luengas propias d’Aragón en a I Chornada d’Achirmanamiento d’os Seminarios de Formazión d’o Profesorato d’aragonés y catalán organizato por os Zentros de Profesors de Monzón y Uesca.

No podió aber millor colofón ta la zelebrazión d’una chornada istorica. Por primer vegata, dozens d’as dos luengas tenioron a oportunidat de colaborar en un ambién distendito a la vez que formativo, fer partache de  buenas prauticas y zelebrar de conchunta a esistenzia d’a rezienmén enguerada Academia Aragonesa d’a Luenga, en a cuala son comprenditos  o Instituto de l’aragonés y l’Institut aragonés d’o català.

A las 10:00h., o Castiello de Monzón dio a bienvenita a o profesorato, provenién de toz os puntos d’o nuestro territorio an se fablan aragonés y catalán d’Aragón, y sirvió de bastida ta un recorrito didautico a traviés d’un chuego de pistas en totas dos luengas propias.

Contino, en a Casa d’a Cultura de Monzón, se levó a cabo una puesta en comun d’esperenzias inspiraderas. A saber:

  • Proyeutos Lingüisticos

  • Dia d’a LLengua materna: A dita dita: L’hivern

  • Mems Dia d’a Llengua materna

  • Proyeuto Lingüistico en o CRA Alta Ribagorza

  • Break out de Sant Jordi

  • Els concursos literaris com a projecte

  • Propuesta didautica: Curtos de zine con a escolanalla

  • Projecte de Salut: Programa +QIAIOS +QIAIAS

  • Dia d’a poesia: Poesia oculta

  • Propuestas didauticas

  • O Dia de la Donar

  • Mapa interautivo de luengas europeyas / Mapa interactiu de llengües europees

  • Fem història

De contino, o presidén de l’Academia impartió l’asperada ponenzia “L’Academia Aragonesa d’a Luenga: Istoria, presén y futuro”, con a intervenzión d’a vizepresidenta.

En zagueras, o direutor cheneral de Politica Lingüistica, José Ignacio López Susín, en nombre d’o direutor cheneral d’Innovazión y Formazión Profesional, Antonio Martínez Ramos, y en o suyo propio, clausuró ista parti más formativa d’a chornada y os y as asistens que asinas lo deseyoron, desfrutoron d’una chenta de confraternizazión que permitirá seguir estreitando vinclos ta chornadas esdevenideras.

Aragón ye trilingüe