Lore guztiz xarmagarri, miragarri,

duzu gure bihotz osoa ideki,

ezpain finetatik egin duzu irri,

poztasun goxoa diguzu ekarri,

gure argi, maitasunaren iduzki,

muxu zuri.

Eder, ezti, ta haizearen jainkosa,

ume, haurra, amodioaren fruitua,

bihar, etzi, urostasun agindua,

elkarrekin ezagutuko duguna,

gure xoko amultsuenez bete da,

esker mila.

Maite zaitut nere aingeru eztia,

ene eki, neure biziaren argia,

zure gorputz hain hauskor eta ttikia,

nahi dut azkar tinkatu, estutu eta

amodioz gaineztatu laztanduta,

potta ta ma.