Maddi Zubeldia
Honako liburu eder hau ez da ustekabean sortu, ez da udaberriko goiz batean bat-batean sorturiko lili polit usain onekoa, ez, liburu honek baditu bere aitzindariak, badu bere bidea egina, badu bere istoriotxoa. Egilea Maddi Zubeldia ziburutarra dugu, gazte-gaztetik euskalgintzari lotua dena, Azkaingo ikastolan andereño, H-eden taldean kantu-egile eta abeslari, hor tarteka olerkari… Ongi ondutako sortzailea da. Eleberri hau, nolabait erraiteko, orain arteko bidearen gailurra da, ongi irabazitako gailurra.