NUPeko Liburutegiak feminismoaren eta emakumeei buruzko azterlanen gida tematiko bat prestatu du
Kontsultatzeko materialek eta bibliografia-baliabideek osatzen dute aukeraketa hori, eta erabilgarri dago “online”
Nafarroako Unibertsitate Publikoko (NUP) Liburutegiak feminismoaren eta emakumeei buruzko azterlanen gida tematiko bat prestatu du erakunde akademikoko Genero, Emakume eta Berdintasun Gaietako Unibertsitate Masterreko[1] ikasle eta irakasleei laguntza dokumentala emateko. Gidak azterketa-esparru horretako aukera eta ikuspegiak aztertzen dituzten baliabide bibliografikoen eta kontsultako materialen aukeraketa zaindua biltzen du. “Online” eskuratzen ahal da Liburutegiaren web-orrialdean[2]. Horrez gain, sexu-indarkeriari buruzko irakurgaien proposamen bat prestatu du, eta abendura arte kontsultatzen ahal dira Arrosadiko campuseko eraikineko 2. solairuan eta Interneten bidez.
Feminismoaren eta emakumeei buruzko azterlanen gidak beste baliabide batzuen artean liburu, aldizkari, estatistika, web atari, blog eta podcasten eskaintza zabala du, eta nabigazio intuitiboa eta erraza ahalbidetzen duten ataletan daude antolatuta Ekimen horren bidez, Liburutegiak informazio-iturri espezializatuetarako sarbidea erraztu eta masterra egiten dutenen garapen akademikoari ekarpena egin nahi dio, bai eta feminismoaren eta genero azterlanen esparruan sakondu nahi duen edonori ere.
Gida berri hau osatzen du “Hitz egin dezagun… sexu-indarkeriaz”[3] izeneko aukeraketa bibliografikoak. 41 laneko bilduma horren helburua da arazo hori ikusaraztea eta horren inguruan sentsibilizatzea, bai eta gaia gizarte-, lege-, psikologia- eta hezkuntza-ikuspegitik aztertzen duten askotariko izenburuak eskaintzea ere.
Argazkia: NUPek Arrosadiko campusean duen Liburutegia
https://www.unavarra.es/eu/sites/masteres/humanas-y-sociales/genero-mujeres-e-igualdad/presentacion.html
[2] https://guias-tematicas.unavarra.es/sp/subjects/guide.php?subject=feminismo#tab-1
[3] https://biblioteca.unavarra.es/abnetopac/abnetcl.cgi/?ACC=DOSEARCH&xsqf01=CICS15