Martxoaren 1ean, ostiralean, Beasaingo Igartzako jauregian, 19:00etan, Goilan fundazioa eta kooperatiben baloreak. Asier Lekuona, Goilan fundazioako lehendakaria. Antolatzaileak: Goierri Valley, Goilan eta Lemniskata.

GOILAN fundazioa Goierri bailarako 8 kooperatiba industrialek sortutako egitura da, aurretik GOILAN elkarte kooperatiboa zenaren zenbait dinamikei jarraikortasuna eman nahiean sortutakoa.

Dinamika horiek gaur egun sustapen ekonomiko eta sozialera lotuta daude , eta ardatz horren inguruan dauzka fundazioak bere helburu fundazionalak finkatuta:

  1.-Bailarako formakuntza baliabideak eta hauek gizartean sortzen duten eragina indartzeko ekimenak sustatzea;

  2.-Berrikuntzaren kultura bailaran sustatzea, horretarako berrikuntza eremu aurreratuak eta berauek garatzen dituzten instituzioekin elkarlana bultzatuz;

  3.–Enpresa-ekimen berrien sustapena, aurretik aipatutako bi bektoreak edo bestelako helburu sozialen betetze maila indartze aldera.

Aurkezpenean  sarrera historiko labur bat egin eta fundazioaren gaur egungo egitura azalduko dugu (partaide garen kooperatibak, fundazioaren bidez sustatzea bilatzen diren ekimen-motak – aurreko parrafoan aipatuak—, hori egin ahal izateko kooperatibek alde batetik bailarako instituzio ezberdinekin dituzten harremanak, eta bestetik bere funts sozialetatik aipatutako helburu fundazionalak garatzeko bideratzen dituzten funts-ekonomikoen aipamena,  funts hauen erabileraren zehaztapena eta horrek bailarari sortu dion aberastasun ekonomiko eta sozialaren deskribapen bat; eta azkenik zehaztutako lan-lerro horietan lanean egon daitekeen edozein elkarteri fundazioarekin harremanetan jartzeko gonbidapena, elkarlan lerro posibleak aztertzeko helburuz.