Ekialdeko Atean,

neskatilak ene aldamenean igarotzen dira

margo anitzezko hodeien gisa.

Larrosak bezain ederrak badira ere,

ene bideari jarraitzen diot, aiherga:

txanbra zuriaren

eta gona orlegiaren neskatila

atsegin dudan bakarra da.

 

Ekialdeko Atetik at,

neskatilak ene aldamenean igarotzen dira

oro sahats liliak bezain ederrak,

baina bakar batek ere ez nau erakartzen:

txanbra zuriaren

eta zapi gorriminaren neskatila

liluratzen nauena eta zoriontsu egiten nauena da.