Egunsentiarekin, zure ezpainetan 

arrosa petaloan gisa zintzilika,

ihintz perla gardena mihiaren puntan

bildu nahiko nuke, azkentze fereka.

 

Eskuetan daukazun arrosa gorria

ametsetan zenidan, zuk jakinik gabe,

aspaldian maitea, eraman harria,

gaztea nintzelarik, orduan nerabe.

 

Ezinezkoa nuen arantzen kentzea

zure edertasunen zutoin altuetan.

Halere niregana zure makurtzea

orain dut nire altxor gozatuenetan.

 

Goazen ikustera, oi maite polita,

gaur goizeko arrosa…

 

 

2024/01/11

(2024ko Hatsaren poesia olerki bilduman argitaratua)