Mari Eder

Argiaren printzak pizturik dauden bitartean

Ez gara sekulan,inoiz ez hilen

Iduzkiak hedoi hitsak sugartzen anartean

Goiargia ez da beinere hilen.

 

Ez gira hilen,ez,nere bihotz kuttuna,nere Mari Eder

Zure ile argiak menditik zerura dira jirabiratzen

Goiargiz jantzirik nere gogoa dute ferekaz xeratzen

Ez gira ez hilen,ez,nere bihotz kuttuna,nere Mari Eder.

 

Haizeak usaingoxoak airatzen bitartean

Ez gara sekulan,inoiz ez hilen

Udaberria munduan izanen anartean

Goiargia ez da beinere hilen.

Gizakiak nora doan ez dakien bitartean

Ez gara sekulan,inoiz ez hilen

Misterio bat inguruan izanen anartean

Goiargia ez da beinere ez hilen.

 

Ezpainetan irriño bat agertzen bitartean

Ez gara sekulan,inoiz ez hilen

Begiak nigar malkoez hezetzen anartean

Goiargia ez da beinere ez hilen.

 

Itxaropen ta oroimena jarraitzen bitartean

Ez gara sekulan,inoiz ez hilen

Bihotza ta amodioa pizten diren anartean

Goiargia ez da beinere ez hilen.