• Bilboko Udalaren ekoizpen artistikoko zentroak urtea agurtuko du, 24 artistaren eta talde artistiko baten lana biltzen duen erakusketa kolektibo honekin.

• Inaugurazioaren ondoko astean zehar, bisita gidatuak egingo dira egunero, proposamenetan sakontzeko.

• Arte plastikoen arloko profesionalen epaimahai batek aukeratuko ditu 2021ean bakarkako erakusketa bat merezi duten zazpi proposamenak.

Bilbao Artek, Bilboko Udalaren arte produkzioko zentroak, “Ateak Zabalik 2020” izeneko urteroko erakusketa inauguratu du, joan den urte honetako artista bekadunen obrekin. Arte produkzioko zentroaren aretoetan, hilaren 14tik (astelehena) hasi eta hilaren 18ra arte (barikua), artista bekadunek joandako hilabeteotan landu dituzten 25 proposamenak egongo dira erakusgai.

Bilbo Zaharrean dagoen zentroan, erakusketa honen lehen aurkezpen ekitaldia izan da, eta han izan dira Amaia Arregi lehen alkateordea, Gonzalo Olabarria Kultura eta Gobernantza Saileko zinegotzia, Bingen Zupiria Eusko Jaurlaritzaren eledun eta Kultura sailburua, Gorka Martinez BBK Fundazioaren zuzendari nagusia, Juan Zapater Bilbao Arte fundazioaren zuzendaria eta Udalaren beste zenbait ordezkari. Agintari talde hau erakusketa osatzen duten obrak ikuskatzen egon da, eta artistek eurek egin diete harrera. Kasu honetan, 26 artista izan dira, erakusketa kolektibo honetan parte hartzen dutenak: Alazne Zubizarreta, Alberto Lomas, Amara Toledo, Ander Sagastiberri, AnderPerez, Camilla Gurgone, Cassandre Jacoud, Dailey Fernández, Edu Hurtado, Estibaliz Sadaba Murgia, Eszter Katalin, Iago Rey De La Fuente, Ibai Madariaga & Miel Oyarzabal, Ignacio Barrios, Iván Gómez, Izaskun Araluzea, Jessica Wetherly, Jesús Pueyo, Julián Briceño, Katixa Goldarazena, Lizar Begoña, Maddi Saray Martirena, Maia Villot De Diego, Martí Madaula eta Rui Pedro Jorge.

Inaugurazioan zehar, Amaia Arregik, Udalaren izenean, zorionak eman dizkie parte hartzaileei, eta beka eman zaien obren eta artisten kalitatea nabarmendu du. Gainera, nabarmendu egin du “BilbaoArteren garrantzia, Euskadin erreferentea izanik ekoizpen artistikoko zentro gisa, eta are Euskaditik kanpo ere”, eta aitortu du “zeinen lan garrantzitsua gauzatzen duen zentroak, aurrera atzeratzen baititu artistei laguntzeko ekimenak, eta kultura ekoizten jarduten baita”.

Arte-ekoizpeneko zentro honek, urte osoan, 100 erabiltzaile baino gehiago izan ditu tailerretan, 20 artista saritu ditu ekoizteko laguntzekin, eta 26 artistari eman die beka ikasteko egonaldi moduan. Gainera, COVID-19aren pandemiaren ondoriozko krisia dela-eta, beste bi deialdi sustatu ziren, salbuespenezkoak: lehena, testu kritikoei buruzkoa, “Isilaldien artean” izenekoa, eta 15 lan hautatu ziren, eta bat saritu; bigarrena, “Ekaitzaren ostean” izenekoa, 2021. urterako erakusketa-proposamen bat edo batzuk egiteko xedea duena, osasun krisia izanik haria, eta 25 proposamen hautaturik.

Egoera sanitarioa dela-eta ezinezkoa izan den arren egin asmo ziren mugikortasun programetako batzuk gauzatzea, hala nola ohiko SeMa Nanji (Hego Korea)- BilbaoArtek bi artista kurduren aldi bateko egonaldiak sustatu ditu Moving Artists elkartearen bidez (Bilbo – Irakeko Kurdistan), eta Estatuko beste bi artistarenak ere bai, zeintzuk Irudika elkartearen bidez izan baitziren hautatuak (Euskadi).

Aurten, BilbaoArte fundazioan izan dira Fernando Castro Flórez, María Gracia de Pedro, Francisco Javier San Martín, Iñaki Esteban, Patxi Lanceros, María Ptqk edo Fernando Bayón, besteak beste, eta mintzaldiak eta mintegiak eskaini dituzte, arrakasta handiarekin, jende kopuruei mugak ezarri izanagatik.

2020ko jardueren artean nabarmentzekoa da nola gauzatu diren erakusketa eta estudio irekien 11 jardunaldi; nola proiektatu diren ikus-entzunezko 200 lan baino gehiago (dela zinema edo dokumentala) gai baten edo bestearen inguruko 11 ziklotan eta bost jaialditan; nola eman diren 30 mintzaldi eta hitzaldi hainbat gairen inguruan, hala nola Covid-aren eragina artean eta kulturan, arte garaikidearen kontserbazioa; 9 jarduera-programa sorkuntza digitalaz, bideo esperimentalez, xilografiaz edo arte garaikideaz; 4 kontzertu eta 3 performance; eta, azkenik, 7 artista-liburu eta hiru txartel bilduma, eta hainbat eta hainbat afixa.

ATEAK ZABALIK EGUNAK 2020

Egunak: Abenduaren 14tik (astelehena) 18ra (barikua)

Ordutegia: 17:30etik 20:30era.