LEMNISKATA: MATEMATIKA SOLASALDIA

 

Otsailaren 3an, ostiralean,19:00etan, Beasaingo Igartza jauregian, Carlos Gorria: “Erronka industrialera zein sozialera bideratutako eredu eta soluzio matematikoak”.

 

Urtarrilaren 27tik otsailaren 5era, Beasaingo Igartza jauregian, Matematika argazki lehiaketako erakusketa.

Otsailaren 6tik 17ra, Ordiziako Barrena jauregian, Matematika argazki lehiaketako erakusketa.

 

Carlos Gorria irakaslea UPV/EHU Euskal Herriko Unibertsitateko Matematika Aplikatua, Estatistika eta Ikerkuntza Operatiboa Saileko kidea da. 1995 urtean UPV/EHUn Matematikako lizentziatura bukatu zuen eta matematika aplikatuko arloan ikertzen du. Gero bere heziketa doktoretza tesiarekin jarraitu zuen bai UPV/EHU eta Danimarkako Unibertsitate Teknikoan. Tesia 2003 urtean defenditu zuen.

1996 urtetik gaur egun arte Carlos Gorria UPV/EHU Zientzia eta Teknologia Fakultatean irakasletzat lan egin du honako irakasgai hauetan: Zenbakizko Kalkulua, Ekuazio Diferentzial Arrunten Ebazpenerako Zenbakizko Metodoak, Eredu Matematikoak eta zenbait irakasgaietan oinarrizko Matematikari eta Ekuazio Diferentzialei buruz. Baita masterreko irakasgai hau irakatsi du: Datu Baseak eta Objektuei Bideratutako Programazioa.

Carlos Gorriaren ikerkuntza arloa deribatu partzialeko ekuazioen zenbakizko soluzioa da. Baita enpresekiko proiektuetan parte hartzen du optimizazio arloan.

2016 geroztik Carlos Gorria Eredu eta ikerkuntza Matematikoa, Estatistika eta Konputazioko masterreko zuzendari akademikoa da. Master hau honako unibertsitate hauekin batera irakasten da: Errioxako Unibertsitatea, La Lagunako Unibertsitatea, Nafarroako Unibertsitate Publikoa, Oviedoko Unibertsitatea, UPV/EHU eta Zaragozako Unibertsitatea.

 

LABURPENA:

 

Azken hamarkada hauetan esparru industrialetan zein sozialetan datuak biltzeko gaitasun tek-nologikoek gorakada paregabea izan dute. Datu horien prozesamendua eta analisia teknika matematikoak erabiliz, batez ere, estatistikoak eta optimizaziokoak, oso eraginkorrak dira erabakiak hartzeko erizpideak zehazteko. Horretarako ereduak diseinatzen dira eta kalkuluko aplikazioetara bihurtzen dira.

 

Hemen lau kasu praktikoen laburpenak erakusten dira, besteak beste, odol transfusioan, finantza merkatuetako jaulkipenean, pneumatiko ekoizpenean eta call-center zerbitzuan. Teknologia matematikoa problema hauetan lagungarria izan da kudeaketa hobetzeko. Eredu guztiek ezaugarri komunak dituzte: parametro eta aldagaien identifikazioa eta haien bilakaera agintzen duen dinamika, soluzioak baldintzatzen dituzten mugak eta murriztapenak eta bilatutako helburua zehaztea, hain zuzen.